Við notum vafrakökur til að greina upplýsingar um notkun vefsíðunnar til að bæta efni og birta markaðsefni. Nánar um vafrakökur LEYFA VAFRAKÖKUR

Fréttir


Laust holl á eftirsóttum tíma – Fishing package available.

29.8.2021
Vegna forfalla eigum við laust þriggja daga holl frá 30. september til 3. Október 1/2+2+1/2. Áhugasamir veiðimenn sem vilja grípa þetta síðasta tækifæri í sumar sendi póst á litlaa@live.com.
Because of cancellation we have available in this popular time period as a group package, 3 days, 30th of September to 3rd of October. For more information send enquery to litlaa@live.com.

Upphaf veiði 2021 og veiðitölur 2020

10.4.2021

Veiði í Litluá og Skjálftavatni hófst 1. apríl síðastliðinn og hefur gengið ágætlega þó veður hafi sýnt á sér ýmsar hliðar. Sjá fréttir og myndir á Facebook og Instagram síðum Litluár. Fylgjast má með veiðitölum í Litluá og Skjálftavatni í appinu Angling IQ en veiðimenn skrá í rafræna veiðibók í Keldunesi.

Eftirfarandi er síðbúin samantekt á veiðitölum fyrir síðastliðið sumar. Alls veiddust 1070 fiskar í Litluá en það er nokkur samdráttur frá fyrra ári. Í Skjálftavatni veiddust 835 fiskar sem er um 20% aukning frá síðasta ári. Á vatnasvæðinu veiddust samtals 1905 fiskar en á árinu á undan veiddust 2247 fiskar og því er því um 15% samdrátt í heildarveiði að ræða á milli ára. Skýringin á samdrættinum í veiði er fyrst og fremst minni sókn vegna COVID-19 faraldursins.

Eins og fyrri ár er enginn skortur á vænum fiskum í Litluá og Skjálftavatni.


Meira

Veiðitölur sumarið 2019

7.11.2019

Nú liggja fyrir veiðitölur fyrir síðastliðið sumar. Alls veiddust 1559 fiskar í Litluá en það er óveruleg breyting frá fyrra ári. Í Skjálftavatni veiddust 688 fiskar sem er um 4% minna en á síðasta ári. Á vatnasvæðinu veiddust samtals 2247 fiskar en á síðasta ári veiddust 2281 fiskar og því er því um óverulega breytingu að ræða á milli ára.

Meira

Veiðitölur í lok júní 2019

11.7.2019
Veiði hefur gengið vel í Litluá það sem af er sumri, eins og undanfarin ár. Þann 27. júní höfðu veiðst alls 1081 fiskar á vatnasvæðinu, 886 í Litluá og 195 í Skjálftavatni. Þetta er um 8% meiri veiði en var á sama tíma á síðasta ári. Í Litluá veiddust 743 urriðar og 143 bleikjur en í Skjálftavatni veiddust 26 urriðar og 169 bleikjur. Talsvert er af vænum fiski, bæði í Litluá og Skjálftavatni.

Flott opnun í Litluá 2019

2.4.2019
Fyrsti veiðidagur í Litluá var í gær, 1. apríl. Dagurinn var gríðarlega góður þó jörð væri alhvít og snjóaði svolítið fram undir hádegið. Mikið líf reyndist vera í ánni og fiskurinn vel á sig kominn eftir veturinn. Þennan fyrsta veiðidag komu 148 fiskar á land (og út í aftur), margir yfir 70cm! Þetta verður að teljast óhemju góður afli á 5 stangir. Í vatninu fengust fínir fiskar en það hefur ekki alltaf verið svo á þessum árstíma. Á meðfylgjandi mynd er Stefán Hrafnsson með einn vænan en Stefán hefur verið í opnunarholli í Litluá í mörg undanfarin ár.