Nú liggja fyrir veiðitölur fyrir síðastliðið sumar. Alls veiddust 1438 fiskar í Litluá en það er lítilsháttar aukning frá fyrra ári. Í Skjálftavatni veiddust 817 fiskar sem er samdráttur frá síðasta ári en þá veiddust 995 fiskar. Á vatnasvæðinu veiddust samtals 2255 fiskar en á síðasta ári veiddust 2420 fiskar. Þetta er um 7 % samdráttur á vatnasvæðinu. Heildarveiðin er rétt neðan við metaltal áranna 2011-2017. Enginn skortur var á vænum fiskum í Litluá og Skjálftavatni frekar en undanfarin ár.

Nú er yfirferð á skráningum í veiðibókum lokið. Veiðitölur fyrir síðastliðið sumar liggja fyrir. Alls veiddust 1425 fiskar í Litluá en það er um 15% aukning frá síðasta ári en þá veiddust 1236 fiskar. Í Skjálftavatni veiddust 995 fiskar sem er um 30% aukning frá síðasta ári en þá veiddust 766 fiskar. Á vatnasvæðinu veiddust samtals 2420 fiskar en á síðasta ári veiddust 2002 fiskar. Þetta er rúmlega 20 % aukning á vatnasvæðinu. Árið 2015 var nokkuð slakara en árin þrjú þar á undan sem öll voru mjög góð. Veiðimenn settu í marga mjög væna fiska í sumar. Samkvæmt lauslegri talningu í veiðibókum veiddust 35 fiskar í Litluá sem voru 70 cm eða stærri og var stærsti fiskurinn 82 cm.  Í Skjálftavatni veiddust 35 fiskar 65 cm eða stærri og var stærsti fiskurinn 74 cm.